Shpëton pasi vrasësit i sosen plumbat në revole

hahahaah sa e cuditshme...!!!



Publikuar: 14.09.2013 - 12:43
Fogia, 14 shtator – Kamerat e vendosura në rrugë në qytetin italian Fogia, në jug të Italisë, kanë regjistruar fatin në fatkeqësi të një shitësi të automjeteve, Michele di Bari(31), të cilin bashkëqytetari i tij, Michele Moreli (24), i njohur më parë për policinë, e ndiqte nëpër rrugë të qytetit me pistoletë në dorë me qëllim për ta vrarë. Në një moment, pasi ishte plagosur në këmbë, di Bari u rrëzua, kurse Moreli iu afrua në rreth 2 metra për ta vrarë, mirëpo revolja kishte mbetur pa plumba dhe vrasja mbeti vetëm në tentativë. Ngjarja ka ndodhur në territorin e mafisë lokale, e njohur si Sacra Corona Unia, por policia beson se nuk bëhet fjalë për përleshje mafioze, por për hakmarrje personale lidhur me shitjen e automjetit, drogën apo rivalitetin rreth territorit. Pasi që të dy ata refuzojnë të flasin, motivi i vërtetë ende nuk dihet.

“Di Bari vërtetë mund ta konsiderojë veten njeri me fat të madh. Incizimi tregon qartë se sa pak ka munguar që ai tashti të ishte i vdekur”, tha Mickele Pucci, shef i njësisë policore të qytetit Fogia që patrullon me motoçikleta.