Torta më e madhe në botë nga karotat

Publikuar: 15.09.2013 - 10:48
Rreth 60 orë punë i janë dashur ekipit prej 20 vetash të drejtuar nga Martin Meier, për të bërë gati tortën gjigante me karota. Kjo ka ndodhur të shtunën, në Mägenwil të kantonit Aargau. Para çadrës së improvizuar te një furrë e këtij fshati ishte bërë një kolonë e gjatë e njerëzve që prisnin për të marrë një copë nga torta rekorde. Ajo kushtonte 3 franga ndërsa paratë e fituara ishin destinuar për qëllime humanitare.

Shumë i gëzuar është shprehur iniciatori i këtij aksioni shkruan azonline.ch. “Ka shumë rreziqe në një aksion të tillë por te ne shkoi gjithçka shumë mirë", ka thënë Meier, transmeton albinfo.

Ndërkaq, se a do të gjejë vend kjo tortë në librin e rekordeve të Ginist, Meier do ta marrë vesh pas disa muajsh. Sepse deri atëherë, juria e Librit të Rekordeve të Ginist do të mund të shqyrtojë të gjitha kërkesat e arritura.